Arti Kode pada Kemasan Plastik

Latihan PTD tentang arti kode pada kemasan plastik bisa di download di

http://www.ziddu.com/download/10230672/ArtiKode.doc.html

semoga bermanfaat untuk teman-teman yang memerlukan.

KODANAN

Saiki wis musim udan. Esuk udan, awan udan. Hawane dadi adem. Ibuku mesti ngelingake aku supaya maem panganan sing bergizi, ora jajan sembarangan merga musim udan gampang marakke penyakit. Ibu yo mesti ngelingake aku supaya nganggo klambi anget supaya ora kadhemen. Uga nggawa payung dinggo jaga-jaga mbok menawa udan deres supaya bali sekolah ora kodanan. Tapi rumangsaku iku kabeh ora perlu. Amarga aku budhal lan bali sekolah mesthi diterke lan dipethuk.

Sakwijining dina, arep budhal sekolah ibu ngelingake meneh supaya nggawa jaket udan amarga langite katon mendhung. Aku ora manut ngendikane ibu, amarga rumangsa ora perlu lan marakke abot gawanku. Ndilalah mulih sekolah udan deres. Tak golekki kok aku durung dipethuk. Aku banjur mlayu-mlayu njujug telpon umum arep telpon ngomah. Jebule mobil sing biasa dingo methuk kudu dibengkelke. Aku di dhawi mulih dhewe.

Kepeksa aku udan-udan nyegat bis. Tekan ngomah klambiku klebus. Kodanan pas telpon seka telpon umum, uga kodanan pas nyegat bis lan kodanan mlaku mulih ngomah. Bengine aku pilek. Aku gela ora manut ngendikane ibu. Umpama aku nggowo jas udan mbok menawa pilekku ora pati parah lan ora nyusahke wong omah merga sepatu, tas lan buku-bukuku kudu digaringke supaya ora rusak.